விழித்தெழும்பி வேகம் செல்லுவோம் வாலிபரே
இதோ மணாளன் இயேசு வருகிறார்
இதோ மணாளன் இயேசு வருகிறார்
1. இராக்காலமும் செல்லுதே பகல் சமீபமாகுதே
இருளின் கிரியை யாவையும் அகற்றுவோம் (2)
ஒளியின் ஆயுதங்களைத் தரித்து வீரமாய்
ஓயாமல் போர் புரிந்து சேருவோம் (2)
- விழித்தெழும்பி
2.பார்தலத்தின் மாயைகள் மயக்கிடுமே தந்திரமாய்
உதறிவிட்டு ஓடுவோம் விசுவாசமாய் (2)
தெய்வ பயம் கொண்டு என்றும் உத்தமர்களாய்
பின்பற்றுவோம் ராஜாதி ராஜனை (2)
- விழித்தெழும்பி
3. மரணமோ, ஜீவனோ, நாசமோ, பட்டயமோ
தேவ அன்பினின்று நம்மைப் பிரிக்காதே (2)
நித்திய கன மகிமைக்கிணையாகுமோ
இக்காலப் பாடு, துன்பம் யாவுமே (2)
- விழித்தெழும்பி
4. அவர் உரைத்த வார்த்தைகள் யாவும் நிறைவேறுதே
தலைகளை உயர்த்தி நடந்திடுவோம் (2)
ஜீவ வசனத்தை மேலே உயர்த்திக்கொண்டே நாம்
சீஷர்களாய் இப்பூவில் துலங்குவோம் (2)
- விழித்தெழும்பி