Tamil Song - 298 - Ekkaala Saththam Vaanil

எக்காள சத்தம் வானில் தொனித்திடவே

எம் இயேசு மா இராஜனே வந்திடுவார்

1.அந்த நாள் மிக சமீபமே

சுத்தர்கள் யாவரும் சேர்ந்திடவே

தேவ எக்காலம் வானில் முழங்க

தேவாதி தேவனை சந்திப்போமே – எக்காள

2.வானமும் பூமியும் மாறிடினும்

வல்லவர் வாக்குதாம் மாறிடாதே

தேவதூதர் பாடல் தொனிக்க

தேவன் அவரையே தரிசிப்போமே – எக்காள

3.கண்ணிமை நேரத்தில் மாறிடுவோம்

விண்ணிலே யாவரும் சேர்ந்திடுவோம்

கண்ணீர் கவலை அங்கே இல்லை

கர்த்தர் தாமே வெளிச்சமாவார் – எக்காள

4.கர்த்தரின் வேளையை நாம் அறியோம்

கர்த்தரின் சித்தமே செய்திடுவோம்

பழங்கள் யாவையும் அவரே அளிப்பார்

பரமனோடென்றும் வாழ்ந்திடுவோம் – எக்காள

5.கள்ளர்கள் பரவி அங்கு மிங்கும்

கர்த்தரின் வார்த்தையைப் புரட்டுகிறார்

கர்த்தரே வாரும் வாஞ்சையை தீரும்

கருத்துடன் நாம் விழித்திருப்போம் – எக்காள