Tamil Song - 152 - Soththiram Soththiramey

ஸ்தோத்திரம் ஸ்தோத்திரமே

இயேசு ஸ்வாமிக்கு ஸ்தோத்திரமே

தோஷி என்னை இரட்சித்த

பரிசுத்தர்க்கு ஸ்தோத்திரமே

2.கோடா கோடி தூதர்கள்

சபை கூடி நடனமாடி

பாடி உம்மைத் துதிக்க- அடியானும்

உம்மைத் துதிப்பேன்

3.கன்னியர் கீதம்பாடி இயேசு

மன்னவனையே போற்றி

உன்னி யும்மைத் துதிக்க- அடியானும்

உம்மைத் துதிப்பேன்

4.பரிசுத்தவான்கள் சங்கம்

எங்கள் பார்த்திபன்

இயேசுவையே பாடி உம்மைத் துதிக்க - அடியானும்

உம்மைத் துதிப்பேன்

5.மூப்பர்கள் சுற்றி நின்று

எங்கள் முன்னவன் இயேசுவையே

 ஆர்ப்பரித்து துதிக்க - அடியானும்

உம்மைத் துதிப்பேன்

6.பூமியின் தாவரங்கள்

புஷ்பம் பூத்துத் துளிர் மலர்ந்து

நாதா உம்மைத் துதிக்க - அடியானும்

உம்மைத் துதிப்பேன்

7.தாழ்த்தித் தலைகுனிந்து - ரத்த

சாட்சிகள் கூட்டமெல்லாம்

வாழ்த்தி உம்மைத் துதிக்க - அடியானும்

உம்மைத் துதிப்பேன்

8.ஆயிரம் நாவிருந்தால் - அன்பரைப்

பாடியே ஸ்தோத்தரிப்பேன்

ஆவியில் நான் நிறைந்து - எந்தன்

அண்ணலிடம்   சொல்லுவேன்

9.கேரூபின் சேராபீன்கள் - உடல்

செட்டைகளால் மூடி

நேராய் உம்மைத் துதிக்க - நீசன்

யானும் உம்மைத் துதிப்பேன்

10.வானத்தின் ஜோதி எல்லாம்

தேவ மைந்தனையே போற்றி

ஞாலத்திலே துதிக்கப்

பாவியானும் உம்மைத் துதிப்பேன்